Ekologııa mınıstri elimizdegi egis alqaptaryna sý jetkizýge qatysty jaǵdaıǵa túsinik berdi
«Bıyl negizgi ózen basseınderinde, ásirese, eldiń ońtústik aımaqtarynda sýdyń az bolýy tsıkliniń jalǵasýyna qaramastan, qabyldanǵan sharalardyń nátıjesinde vegetatsııalyq kezeń turaqty ótti. Aldyn ala málimetter boıynsha, bıyl turaqty sýarý jumystaryna jınalǵan sý kólemi shamamen 11,6 tekshe kılometrdi qurady. Onyń 11,3 tekshe kılometri nemese 97 paıyzy ońtústik bes oblysqa tıesili. Bul Almaty, Jambyl, Túrkistan, Qyzylorda jáne Jetisý oblystaryndaǵy jalpy sýarý alańy 1,61 mln gektar boldy nemese elimiz boıynsha barlyq aýmaqtyń 73 paıyzy», - dedi S. Brekeshev.
Onyń aıtýynsha, osy óńirlerde vegetatsııalyq kezeńniń turaqty ótýin qamtamasyz etý úshin byltyr qarasha aıynan bastap daıyndyq jumystary júrgizilgen. Ol úshin arnaıy jumys jospary bekitildi.
«Birinshiden, joǵaryda ornalasqan sý qoımalarynan qosymsha sý aǵyzýdy qamtamasyz etý boıynsha kórshi eldermen kelissózder júrgizildi. Ekinshiden, transshekaralyq ózender basseınderinde memleketaralyq paıdalaný kanaldarynda jóndeý jáne qalpyna keltirý jumystary atqaryldy», - dedi mınıstr.
Sonymen qatar ol ylǵaldy kóp qajet etetin daqyldardyń alqaptaryn qysqartý (kúrish, maqta, pııaz), sý únemdeý tehnologııalaryn aýqymdy engizý is-sharalary júzege asyrylǵanyn atap ótti.
«Kórshiles eldermen yntymaqtastyq aıasynda kelesi jumystar júrgizildi. Qyrǵyz jaǵymen taýar almasý jáne elektr energııasyn kommertsııalyq negizde jetkizý aıasynda jaz aılarynda 330 mln tekshe metr kóleminde «Dostyq» kanaly arqyly sý berý máselesin sheshý múmkin boldy. Budan basqa, taraptar sarapshylary Shý jáne Talas ózenderiniń basseınderindegi memleketaralyq paıdalanýdaǵy sý sharýashylyǵy qurylystaryn zerttedi. Tájik jaǵymen Toqtoǵuldan aǵyp keletin «Bahrı Tochık» sý qoımasy arqyly sý kólemin ótkizý týraly kelisim jasaldy. Sondaı-aq «BahrıTochık» sý qoımasynyń jumys isteý sharttary kelisildi. Dýshanbe qalasynda úshjaqty hattamamen (Tájikstan, Ózbekstan jáne Qazaqstan) osy sharttar bekitilgen. Shý jáne Talas ózenderi boıynsha qyrǵyz tarapymen osy jyly sáýir aıynda sý berý kestelerine qol qoıyp, bekitildi. Atap aıtqanda, Talas ózeni arqyly 500 mln tekshe metr, Shý ózeni - 220 mln. tekshe metr», - dedi vedomstvo basshysy.
Foto: AgroInfo
