Ekologııa mınıstri Býrabaıda aǵash kesý oqıǵasy týraly aıtty

NUR-SULTAN. QazAqparat - Qazaqstannyń Ekologııa, geologııa jəne tabıǵı resýrstar mınıstri Maǵzum Myrzaǵalıev Şýchınsk-Býrabaı kýrorttyq aımaǵyndaǵy aǵashtardy kesý deregi boıynsha tekserýdiń nátıjesi týraly aıtty, dep habarlaıdy QazAqparat tilshisi.

Eske salsaq, bıyl tamyz aıynda Qasym-Jomart Toqaev Býrabaıdaǵy aǵash kesý oqıǵasy boıynsha shuǵyl sharalar qabyldanýy kerektigin tapsyrǵan bolatyn.

«Prezıdent tapsyrmasyn oryndadyq, osy oraıda tıisti tekseris júrgizildi. Bul jaǵdaı boıynsha aǵash kesý sharasy aldyn ala kelisilgen eken, ıaǵnı Býrabaıdyń jańadan damytylyp jatqan týrıstik klasterine ınfraqurylymdy tartý úshin trassany ótkizýge qatysty bolyp otyr», - dedi Maǵzum Myrzaǵalıev tilshilerdiń suraǵyna jaýap bere otyryp.

Onyń aıtýynsha, merdiger uıymnyń kúshimen aldaǵy ýaqytta aǵash otyrǵyzý sharalary júzege asyrylmaq.

«Shynymen de trassany ótkizý kezinde aǵashtar kesilgen bolatyn. Osy oraıda, aǵash otyrǵyzý jóninde Aqmola oblysynyń ákimimen ýaǵdalastyq jasaldy. Bul turǵyda atalǵan aýmaqta árbir kesilgen aǵashtyń ornyna eki túpten kem emes aǵash otyrǵyzylady», - dep naqtylady mınıstr.