Ekologııa mınıstri: Balyqty aýlaýdan góri ósirgen tıimdi

TÚRKІSTAN. QazAqparat - Qazaqstannyń Ekologııa, geologııa jəne tabıǵı resýrstar mınıstri Maǵzum Myrzaǵalıev Túrkistan oblysyna jumys sapary barysynda Shardara sý qoımasyndaǵy ónerkəsiptik balyq aýlaý protsesimen tanysty.

«Balyq ósirý sharýashylyǵynyń biri – «Hamıt» ƏKK-niń tabysty təjirıbesin atap ótkim keledi. Búginde ósirilgen balyq óniminiń aýqymy kóńil súısintedi. Bul ədis balyqshylardyń jańa tehnologııalar men óndiristi qoldaný arqyly balyq aýlaýdan ony ósirýge aýysý sekildi saladaǵy mindetke jaýap beredi», - dep jazdy mınıstr sərsenbide óziniń Twitter -degi paraqshasynda.

«Bıologııalyq resýrstardy utymdy paıdalaný - biz kózdep otyrǵan negizgi trend», - dep atap ótti ol.

Mınıstrdiń pikirinshe, Qazaqstanda balyq ósirýdiń keleshegi zor. Ony iske asyrý úshin Úkimet basshysynyń tapsyrmasy boıynsha tyń sharalar qabyldanbaq.

Qazaqstannyń Ekologııa, geologııa jəne tabıǵı resýrstar mınıstrliginiń derekteri boıynsha, 2019 jyly 2,2 myń tonnadan asa balyq ónimin Shardara sý qoımasynyń sý sharýashylyǵy sýbektileri óńdegen.

Eske salsaq, Qazaqstannyń Úkimet basshysy Asqar Mamın aqpanda Atyraý qalasynda ótkizilgen balyq sharýashylyǵyn damytýǵa arnalǵan keńeste salany qoldaý boıynsha túbegeıli sharalar qabyldaýǵa tapsyrma berdi.