Ekologııa mınıstri balyq ósirýdi tejep turǵan máseleni atady

NUR-SULTAN. QazAqparat – Ekologııa, geologııa jáne tabıǵı resýrstar mınıstri Maǵzum Myrzaǵalıev balyq ósirýdegi kemshilikti atady, dep habarlaıdy QazAqparat tilshisi.

«Elimizdiń balyq ósirý áleýeti áldeqaıda joǵary. Sarapshylardyń pikiri boıynsha 600 myń tonnaǵa deıin balyq ósirýge bolady. Qazaqstanda barlyǵy 40 myńnan astam sý aıdyny (ózender, kólder) bar. Onyń ishinde shamamen úsh myńy balyq sharýashylyǵyna arnalǵan sý aıdyndarynyń tizimine engizilgen. Olardyń 49 paıyzy bıznestiń qaramaǵynda, al 51 paıyzy áli bekitilmegen. Budan basqa, 300 sý qoımasy bar. Olardyń negizgi baǵyty - ósimdik ósirýge qajetti sýmen qamtamasyz etý. Alaıda, osy sý aıdyndarynda balyqtyń áleýeti barshylyq bolǵanymen, áli ashylmaǵan», - dedi mınıstr Úkimet otyrysynda.

Osy oraıda ol ákimdikterge balyq ósirý áleýetin eskere otyryp, sý aıdyndaryn bıznestiń qaramaǵyna berý boıynsha jáne balyq ósirýge jańa perspektıvaly sý aıdyndaryn anyqtaý úshin ınventarızatsııa jumystaryn júrgizýdi surady.