Ekologııa mınıstri Astanadaǵy sý tapshylyǵy qalaı sheshiletinin aıtty
«Eń aldymen, «Astana sý qoımasyn tolyqtyrý úshin qurylystar salý» jobasy boıynsha jobalaý-smetalyq qujattama (JSQ) ázirlenýde. Joba Q. Sátbaev atyndaǵy arnadan Esil ózeniniń arnasyna deıin ótkizý salasyn tazartyp, qalpyna keltirip, odan Astana sý arnasy sorǵy stantsııasyna deıin tireýish qorshaý men sý qubyryn salyp, arnaǵa sý berýdi qamtıdy. Qurylys 2023-2025 jyldary aıaqtalady dep boljanýda. Bul joba sý az jyldary Qanysh Sátbaev arnasynan Astana sý qoımasyna shamamen 62,3 mln tekshe metr qosymsha sý berýge yqpal etedi», - dedi Ekologııa mınıstri.
Ekinshi joba – Astana qalasyn sýmen jabdyqtaýdyń rezervtik kózi retinde 67 km sý qubyryn salý arqyly Nura jerasty sýlary ken ornyn paıdalaný. Ol boıynsha tehnıkalyq-ekonomıkalyq negizdemeni túzetý qajet. Merzimniń ótýine baılanysty keıin JSQ ázirlep, bul jumysty Astana qalasynyń ákimdigi júrgizetin bolady. Saraptamanyń oń qorytyndysy usynylǵan jaǵdaıda, mınıstrlik jobany odan ári iske asyrady.
«Úshinshiden, Q. Sátbaev arnasynan Astana qalasynyń UFS-4-ke deıin sý qubyryn salý qajet. Bul joba elordany odan ári uzaq merzimdi damý perspektıvasy men halyq sanynyń ulǵaıýyn eskere otyryp, qamtamasyz etýge múmkindik beredi. Osylaısha, elordany sýmen qamtamasyz etýge qajet sharalardyń qysqa merzimdi kesheni rezervtik jerasty kózin júrgizýdi, Q. Sátbaev arnasynan sý qubyryn salýdy qamtıdy», - dedi Z. Súleımenova.
Sonymen qatar, bıyl sý mólsheriniń azdyǵy men odan keıingi sý tapshylyǵyn eskere otyryp, Q. Sátbaev arnasynan Esil ózeni boıynsha shamamen 60 mln tekshe metr, Nura ózeni boıynsha shamamen 95 mln tekshe metr qosymsha sý berý týraly birlesken sheshim qabyldandy.
Oǵan qosa, Astana sý qoımasynyń túbin shamamen 47 mln tekshe metr kóleminde túptik shógindilerden tazartý qajet. Qazirgi ýaqytta Astana sý qoımasyn toltyrý jobalyq 410 mln tekshe metrden 334 mln tekshe metrdi quraıdy.
