Ekologııa mınıstri Aqtóbedegi sý qoımalaryn aralady
Ekologııa mınıstri eki kúndik jumys sapary barysynda Aqtóbe ferroqorytpa zaýytyndaǵy №4 tsehtyń jumysymen tanysty. Munda jumys barynsha avtomattandyrylǵan jáne qorshaǵan ortaǵa tıgizer áseri az. Mınıstr kompanııa basshysyna №1, 2 tsehtardaǵy qaldyqty 30% azaıtyp, óndiristik qoqysty kádege jaratýǵa tapsyrma berdi. Keıin Maǵzum Myrzaǵalıev sý sharýashylyǵynyń jaǵdaıyn, ırrıgatsııalyq ınfraqurylymdy qurý jáne jańǵyrtý jumystarynyń barysyn bildi. Mártók aýdanynda «Mılker» JShS-niń sýarmaly alqaptary men «Rad-Agro» JShS-niń paıdalanýǵa berilgen «Turaqty sýarmalaýdyń syrtqy ınfraqurylymyn qalpyna keltirý» nysanyn aralady.
«Sizderde bul jumystyń oń nátıjesi bar. Shrýalar jerdi ıgerip, joǵyshqa jınaý kólemin ulǵaıtyp jatyr. Shıkizatty qaıta óńdep, eksportqa shyǵarýda. Sondaı-aq, taýarly-sút fermasyn damytý josparda bar. Alda óńirdegi sýarmaly jerlerdi 32 900 gektardan 69 967 gektarǵa deıin ulǵaıtý mindeti tur», - dep atap ótti mınıstr.
Qarǵaly sý qoımasyn qarap shyǵyp, sýmen qamtamasyz etýdi jaqsartý úshin qalpyna keltirý baǵytyndaǵy problemalyq suraqtardy talqylady. Maǵzum Myrzaǵalıuly Qobda aýdanyna da bardy. Munda aýyl sharýashylyǵy daqyldarynyń túsimin arttyryp, óńirdi arzan jem-shóppen qamtamasyz etýge baǵyttalǵan jańa sýarý ádisi qoldanylady. Dál osy joba Temir, Oıyl aýdandarynda júzege asyrylýda. Qobda aýdanynyń Jırenqopa aýyldyq okrýginde mınıstr 3631 gektar alqaptaǵy «Aqbalshyq» sýarý júıesin qaıta jańǵyrtý jumysymen tanysty. Munda qoldanystaǵy bógetterdi, jaǵalaýlar men sýdy retteıtin qurylystardy qalpyna keltirý jumystary júrgizilýde.
Joba quny – 960 mln teńge. Oblys ákimi jobany júzege asyrýdyń joǵary áleýmettik-ekonomıkalyq qaıtarymy baryn jetkizdi.
«Qosymsha jumys orny ashylyp, kóldetip sýarý júıesiniń alqaby ulǵaıatyn bolady. Budan túsim artyp, mal jáne aýyl sharýashylyǵy damıdy. Nysandardy kelesi jyldyń tamyz aıynda tapsyrý josparlanǵan. Biraq biz uzaq ýaqyt kúte almaımyz. Keler jyly sharýalar nátıjesin kórý úshin jumysty bıyl bitirýi kerek», - dep tapsyrdy oblys ákimi Ońdasyn Orazalın. Sapar sońynda mınıstr oblys ákimdiginde ótken jıynǵa qatysty. Onda jumys saparynyń nátıjesi talqylanyp, óńirdegi ekolgoııalyq ahýaldy jaqsartý, iri jobalardy júzege asyrý boıynsha ózekti suraqtar kóterildi.
