Ekologııa mınıstri: «Semeı ormany» rezervaty órt maýsymyna daıyn bolmaı shyqty
ASTANA. KAZINFORM — Ekologııa jáne tabıǵı resýrstar mınıstri Erlan Nysanbaev Úkimet otyrysynda órt maýsymyna daıyndyqsyz kelgen óńirlerdi atady.
— Jalpy, 7 sáýirdegi jaǵdaı boıynsha Aqtóbe, Atyraý, Shyǵys Qazaqstan, Jambyl, Batys Qazaqstan, Qostanaı, Pavlodar, Soltústik Qazaqstan jáne Túrkistan oblystarynyń orman sharýashylyqtary jáne «Semeı ormany» rezervaty órt maýsymyna daıyn bolmady, — dedi Erlan Nysanbaev.
Kemshilikke jol bergen ákimdikterge 15 sáýirge deıin anyqtalǵan kemshilikterdi joıyp, tehnıka men jeke quramdy tolyq jaýyngerlik ázirlikke keltirý týraly talap qoıylyp otyr.
— Órttiń aǵymdaǵy jaǵdaıyna kelsek jyl basynan beri elimizdiń memlekettik orman qory aýmaǵynda jalpy aýdany 4 831 gektar aýmaqty qamtyǵan 32 orman órti tirkeldi, — dedi mınıstr.
Aıta keteıik, Shyǵys Qazaqstan oblysy Zaısan aýdanynda órt sóndirýshiler qamys pen shópti sharpyǵan tilsiz jaýmen áli kúresip jatyr.
Sonnymen qatar orman sharýashylyqtaryn tehnıkamen jabdyqtaý bıýdjeti 5,6 mlrd teńgege qysqarǵan.
Ormandaǵy órt qaýipsizdigin áýeden kúzetýge bólingen qarajat jetpeı jatqanyn aıtyp, Ekologııa mınıstri Premer-mınıstrden kómek suraǵan edi.