Ekologııa mınıstri kıik etiniń sapasy týraly: Eshqandaı kúmán bolmaý kerek

ASTANA. KAZINFORM — Ekologııa jáne tabıǵı resýrstar mınıstri Erlan Nysanbaev Úkimet úıindegi baspasóz máslıhatynda kıik etinen túrli aýrýlar taraıtyny týraly pikirlerge jaýap berdi.

— Kıik ushasyn sertıfıkaty bar kombınattarǵa ǵana ótkizemiz. Ol jerde sanıtarııalyq-epıdemıologııalyq baqylaý organdarynyń mamandary búkil protsedýrany qadaǵalaıdy. Tirshilik ortasynan bastap atýǵa deıingi epızotıkalyq jaǵdaıy zerdelenedi. Budan keıin eti men qanyna túrli aýrýlar boıynsha taldaý jasalady. Osydan keıin ǵana et satýǵa shyǵarylady. Bul jerde et sapasyna baılanysty eshqandaı kúmán bolmaý kerek, — dedi mınıstr. 

Onyń sózinshe, satýǵa shyǵarylǵan ettiń bári sanıtarlyq jáne veterınarlyq tekserýden ótedi. 

— Eger kıik eti jol boıynda, tysta satylǵan bolsa túsiner edim. Qazir ettiń satýǵa arnalmaǵan jerde saýdalanǵanyn elestete de almaımyn. Tıisti qyzmetter ony qatań qadaǵalaıdy. Ondaıǵa jol joq, men jaýapkershilikpen málime alam, — dedi Erlan Nysanbaev.

Eske salsaq, Aýyl sharýashylyǵy mınıstrligi de kıik etinen aýrýlar taraıtyny týraly málimdemelerge resmı túsinikteme bergen bolatyn.