Mınıstr nege Á. Nazarbaevanyń kompanııasy týraly jalǵan aqparat bergen

ASTANA. KAZINFORM – Ekologııa jáne tabıǵı resýrstar mınıstri Erlan Nysanbaev Álııa Nazarbaevanyń qoqys óńdeý bıznesindegi úlesi týraly pikir bildirdi.

«Buǵan deıin qoqys óńdeý bıznesine Álııa Nazarbaevanyń kompanııasy áli qatysy otyr ma dep suraǵanda eshqandaı qatysy joq ekenin aıtqan edińiz. Keıin Astana ákimi Jeńis Qasymbekten suraǵanda Álııa Nazarbaeva tıesili «Clean City» kompanııasy Astanaǵa áli qyzmet kórsetip júrgenin aıtty. Konkýrs protsedýralary ótkennen keıin ǵana qyzmet kórsetýshi aýysatynyn jetkizdi. Nege sizdiń taraptan jalǵan aqparat tarady?» - dep surady BAQ ókili Úkimet otyrysynan keıin.

Erlan Nysanbaev ol joly qol astyndaǵylar bergen málimet boıynsha aqparat taratqanyn aıtty.

«Birden aıtqym keledi, bul másele bizdiń vedomstvonyń quzyretine jatpaıdy. Bul jergilikti organdardyń quzyretinde. Ótken joly men bergen aqparat týraly aıtsam, mende odan basqa málimet joq. ıAǵnı, maǵan qazirgi tańda siz aıtyp otyrǵan kompanııaǵa Álııa Nazarbaevanyń qatysy joq ekeni týraly aqparat berildi. Odan basqa eshteńe aıta almaımyn», - dedi mınıstr.

Jýrnalıst ondaı aqparatty kim bergenin suraı kelip, «Sonda sizge jalǵan aqparat berilgen be?» - degen saýal tastady.

«Iá. Ony anyqtaý kerek», - dedi Erlan Nysanbaev.