EKOLOGIıA: Iran Ýrmııa kólin qutqarý úshin 225 mln. dollar bóldi
ASTANA. QazAqparat - Iran ákimshiligi sý qory azaıyp bara jatqan Ýrmııa kólin qalpyna keltirý josparyn iske asyrýǵa 225 mıllıon dollar kóleminde qarajat bóldi. Bul týraly dúısenbide ırandyq «Mehr» aqparattyq agenttiginen habarlady.
Eldiń Aýyl sharýashylyq mınıstrligine kóldiń mańyndaǵy sharýashylyqqa paıdalanylatyn jerlerde zamanaýı sýlandyrý júıesin qurý tapsyryldy. Josparǵa sáıkes, vedomstvo kóldiń qasyndaǵy sý irkýish uńǵymalarǵa esepteýish quraldardy ornatý arqyly sýdy paıdalanýdy retteýi tıis. Ýrmııa kóli Irannyń soltústik-batys bóliginde ornalasqan. Ol 70 paıyzdan astamǵa qurǵady. Kóldegi sý qory1995 jyldan beri azaıyp barady. Buǵan deıin Iran prezıdenti Hasan Rýhanı kóldi «qutqarý» máselesin sheshý úshin jumys tobyn qurǵan bolatyn. Ýrmııa kóliniń aýmaǵy alty myń sharshy metrge jýyq. Qurǵaqshylyq saldarynan Ýrmııanyń sýy taıazdanyp, aımaqtyń florasy men faýnasyna keri áser etip otyr. Ýrmııa kólin qalpyna keltirý úshin jyl saıyn 3,1 mıllıard tekshe metr sý qajet. Kóldegi sýdyń árbir lıtrinde 330 gramm tuz bar. Buǵan deıin bul kórsetkish bir lıtrge shaqqanda 160-170 gramdy quraıtyn.
