EKOLOGIıA: Azııadaǵy taýlardyń ekologııalyq júıesi ǵalymdardyń alańdaýshylyǵyn týǵyzdy
ASTANA. QazAqparat - Nepal astanasy Katmandý qalasynda Azııanyń bıik taý shyńdaryndaǵy muzdaqtardyń erý problemasyna arnalǵan 6 kúndik forým ótip jatyr. Ǵylymı jıynǵa 26 elden 250 maman jınaldy, dep habarlaıdy TASS.
«Konferentsııa maqsaty - Gımalaı, Gındıkýsh, Pamır jáne Tıan-Shan taý shyńdaryndaǵy muzdaqtar máselesiniń talqylaný aıasyn keńitý», - deıdi «Integrated Mountain Development» halyqaralyq ortalyǵynyń dırektory Devıd Molden. Sarapshylardyń málimeti boıynsha, Azııada 64 myń sharshy metr aýmaqty alyp jatqan 54 myń muzdaqtar shoǵyry bolǵan. Alaıda, sońǵy 30 jylda bul kórsetkish 24 paıyzǵa azaıǵan. Atalǵan másele ǵalymdardyń alańdaýshylyǵyn týǵyzyp otyr. Sebebi, muzdy metamorfozalar búkil Azııada kúrdeli ekologııalyq aýytqýlarǵa sebep bolýy múmkin. Taýly aýdandardy keshendi ıgerý boıynsha Halyqaralyq ortalyq - 1983 jyly qurylǵan. Ol: Aýǵanstan, Úndistan, Pákistan, Qytaı, Nepal, Býtan, Mıanma jáne Bangladesh mamandarynyń basyn biriktiredi. Uıymnyń negizgi maqsaty - Azııa taýlarynyń ekojúıesin zertteý.
