EKOLOGIıA: Astanada 5000 astam aǵash otyrǵyzylyp, 9 mln-nan astam gúl egiledi (FOTO)
ASTANA. QazAqparat - «Astana-Zelenstroı» AQ negizgi qyzmeti qalamyzda aǵashtar otyrǵyzyp, olardy kútýmen aınalysady. Bıyl kompanııa kóshelerde, saıabaqtar men baqtarda 5000 astam iri aǵash otyrǵyzady. Sonymen qatar, 9 mln-nan astam túrli bir jyldyq gúlder jazda qala kórkin keltirmek, dep habarlady Astana qalasy ákimdiginiń baspasóz qyzmetnen.
Bıyl «Astana-Zelenstroı» AQ áýejaıǵa, Rojdestvenkaǵa, Qorǵaljyn tas jolyna shyǵatyn joldardy ásemdeıdi. Bul jerlerde kompanııa 300 myńnan astam aǵash, 4 myń buta jáne 1,2 ga gúlzar otyrǵyzady. «Astana-Zelenstroı» AQ basqarma tóraǵasy Jarqyn Jumaǵulovtyń aıtýynsha, qaladaǵy barlyq sýburqaqtar 1 mamyr kúni tańǵy saǵat 8.00-de iske qosylady. Búgingi tańda sýburqaqtardy qys maýsymynan keıin qalpyna keltirý jumystary qolǵa alyndy. «Astana-Zelenstroı» AQ qaraýynda 40 sýburqaq kesheni bar, onyń ishinde, «Almaty» aýdanynda - 14, «Esil» aýdanynda - 16, «Saryarqa» aýdanynda - 10. Kompanııa «Almaty» aýdanynyń «Qazaq eli», «Táýelsizdik», «Áziret Sultan» meshitiniń, B. Momyshuly eskertkishiniń aldyndaǵy, Prezıdent saıabaǵyndaǵy, «Jastar», «Kolos» jáne «Bulaq» sýburqaqtaryndaǵy faneradan jasalǵan jabyndar jóndelýde. «Esil» aýdanynda «Mýzykalyq», «Dóńgelek alań», «Kvadratnyı», «Astanalyq tsırk» sýburqaqtaryndaǵy jabyndardy qaıta jóndeý jumystary júrgizildi, «Qurmanǵazy», Esil saıabaǵyndaǵy sýburqaqtarda jumys jalǵasýda. «Saryarqa» aýdanynda «Ómir aǵashy» sýburqaǵy men «Máskeý» baǵyndaǵy sýburqaqtary qalpyna keltirildi. Abaı dańǵyly, Jeltoqsan kóshesiniń boıyndaǵy baqtyń sýburqaqtarynda granıt plıtalardy tazalap, jóndeý bastaldy. Dástúr boıynsha sýburqaqtar 1 mamyr kúni iske qosylady.
