EKOLOGIıA: Álemdegi teńizderdiń betinde 250 myń tonna qaldyq qalqyp júr
ASTANA. QazAqparat - Brıtanııanyń Jaratylystaný mýzeıi jáne Plımýt Ýnıversıteti mamandarynyń zertteýleri boıynsha, muhıt túbinde de plastık qaldyqtary bar, dep jazady meddaily.ru.
Sondaı-aq, Svopi portalynyń jazýynsha, plastık qaldyqtarynyń sý betinde qalqyp júrýi jahandyq máselege aınalyp otyr. Ǵalymdardyń aıtýynsha, álemdegi teńizderdiń betinde shamamen 250 myń tonnaǵa jýyq qaldyq qalqyp júr.
Buǵan deıin mamandar plastık qaldyqtardy ań-qustar men túrli mıkro aǵzalar tutynyp, joq bolyp ketedi degen boljam jasaǵan. Endi kerisinshe, olardyń teńiz túbine tunyp, tereńdegi ekojúıeni buzýy múmkin ekendigi anyqtaldy.
