Ekolog Semeı ormanyndaǵy órt týraly: problema sheneýnikterdiń beıjaılyǵynda
«Semeı ormany men basqa da ormandar memlekettik qorǵaýyndaǵy erekshe aýmaqtar. Ormandarda aǵashtar otyrǵyzý, kútip-baptaý jáne órtten saqtaý – ormanshylardyń mindeti. Orman salasynda tilsiz jaýdyń aldyn alýǵa múmkindik beretin tehnologııalar bar. Aıta ketý kerek, 30 jyldyń ishinde mundaı tótenshe jaǵdaı bolǵan joq. Demek, bul másele júıede emes, másele – Ekologııa mınıstrliginde otyrǵan kadrlarda. Olar óz salasyn bilmeıdi jáne jaýapkershilik alǵysy kelmeıdi», - dedi Laýra Málikova tikeleı efır barysynda.
Sondaı-aq, qorshaǵan orta janashyry orman órtimen kúreste jaýapty sheneýnikterdiń beı-jaılyǵyn synǵa aldy.
«BQO-da 2018 jyldary ormandarda bolýy múmkin órttiń qaýpin drondardyń kómegimen anyqtaý qolǵa alynǵan. Biraq atalǵan joba memlekettik deńgeıde áli júıelengen joq. Byltyr Qostanaı oblysyndaǵy órtten keıin orman ishine aýa temperatýrasyn ólsheıtin qurylǵy ornatý týraly usynys berdik. Sol qurylǵynyń kómegimen bolýy múmkin órttiń aldyn alýǵa bolady. Ony ormanshylar da aıtqan. Bul jerde problema sheneýnikterdiń beı-jaılyǵy, óz mindetterin oryndamaýy», - deıdi ol.
