Ekolog Mels Eleýsizov Almatyda aǵashtardyń kesilýine qarsy
ATY. 13 maýsym. QazAqparat /Erbol Azanbek/ - Qazaqstandyq ekolog, «Tabıǵat» ekologııalyq odaǵynyń tóraǵasy Mels Eleýsizov Almaty qalasy men qala mańynda aǵashtardyń belsendi túrde kesilip jatqanyna qarsy. Búgin arnaıy baspasóz máslıhatyn ótkizgen ol, aǵashtardy jappaı kesken jón emes dedi.
Onyń sózine qaraǵanda, Almatyda qazirge deıin talaı aǵash qyrqylǵan. «Olardyń ornyna jas kóshetter otyrǵyzylýda. Alaıda olar kútilmegendikten, kópshiligi ólip jatyr. Kesilip jatqandardyń arasynda «saý» aǵashtar da bar»,- dedi ekolog.
«Jaqynda Almatyda birneshe myń aǵash kesiletindigi týraly oqydym. Arnaıy organdar aǵashtardy kesý kerektigin dáleldeı ala ma? Eger aǵashtar eskirip, qulaý qaýpi týsa, onda múlikti saqtandyrý túsinigi bar. Saqtandyr, aǵash qulasa shyǵyn qaıtarylady. Bizge qaı jerde qansha aǵash kesiletini, ornyna qanshasyn otyrǵyzǵany týraly karta kerek. Aǵashtardy kesý bizdiń qalany «óltiredi», Almaty aǵashtardyń arqasynda ǵana ádemi bolyp tur. Almatyny aýa bólip turǵan aǵashtar ǵana qutqaryp tur. Onsyz demalý qıyndaıdy»,- dedi M.Eleýsizov.
