Ekoforým ÚEU-niń sarapshylary atom synaǵy ótkizilgen jerlerdi halyq sharýashylyǵyna berýge qarsy
ALMATY. 5 shilde. QazAqparat /Ádilet Musahaev/ - Semeıdegi ıadrolyq atom synaǵy ótkizilgen jerlerdi halyqtyń sharýashylyqpen aınalysýyna berý týraly Ulttyq ıadrolyq ortalyqtyń sheshimimen kelispeımiz,
dedi búgin Almatyda «IRIS» ıadrolyq apattan zardap shekkenderdi qorǵaý jónindegi Qoǵamdyq uıymnyń tóraıymy, Ekoforým ÚEU-niń sarapshysy Gúlsim Kákimjanova.
Onyń aıtýynsha, Ulttyq ıadrolyq ortalyq el bıýdjeti esebinen synaq ótken jerlerge tekseris ótkizgen. Nátıjesinde Úkimetke jerdi halyqtyń sharýashylyqpen aınalysýyna berý jóninde usynys jasaǵan. «ıAdrolyq synaq ótken jerler Pavlodar, Qaraǵandy jáne Semeı aımaǵyna qarasty bolyp otyr. Biz osy ólkelerde bolyp, halyqpen sóıleskenimizde olar jerdiń asa qajet emestigin, tek medıtsınalyq kómekti arttyrsa degen ýájderin aıtty», -deıdi G.Kákimjanova.
«ıAdrolyq synaq ótken aımaqty tolyqtaı zalalsyzdandandyrǵannan keıin ǵana halyq ıgiligine berý jónindegi kelisim bar. Alaıda bul jerlerdi zalalsyzdandyrý jóninde eshqandaı jumystar atqarylǵan joq. Sondyqtan ony sharýashylyqqa paıdalanýǵa berýge áli erte», -dep atap ótti óz sózinde «Áleýmettik ekologııalyq Qor» Qoǵamdyq qordyń tóraıymy Qaısha Atahanova.
Radıatsııa salasynda 44 jyl eńbek etip, túrli zerthanalarda qyzmet etken Larısa Ptıtskaıa bul aımaqtarda ýly qaldyqtardyń mólsheri óte kóp ekendigin aıtady. «Keńes úkimeti tusynda synaq jónindegi málimetter qupııa saqtalatyn. Negizinen halyqqa resmı túrde 456 atomdyq zymyran paıdalanyldy degen málimet berildi. Alaıda onyń sany 607-ni quraǵan edi. Onyń ishinde 85 gıdroıadrolyq synaq ótkizildi. Sondaı-aq onda 290 kelige jýyq plýton paıdalanyldy. Sondyqtan mundaı synaq ótken jerdi tolyqtaı zalalsyzdandyrý úshin 240 myń jyl kerek», -deıdi L.Ptıtskaıa.
