Ekochellendj: Aqtóbede ákim bastaǵan top ózenderdi qoqystan tazartty
AQTÓBE. QazAqparat - «Birge – taza Qazaqstan» aktsııasyn aqtóbelikter de qoldady, dep habarlaıdy QazAqparat tilshisi.
Búgin oblys ákiminiń orynbasary Qaırat Bekenov pen shahar basshysy Mavr Abdýllın, qala turǵyndary, depýtattar, qoǵamdyq birlestikter, stýdentter jáne blogerler ekochellendjge qatysty. Májilis depýtaty Aıgúl Soloveva men «Konrad Adenauer» qory Qazaqstandaǵy ókildiginiń dırektory Tomas Helm qala turǵyndarymen birge boldy.
«Sizderge oblys ákimi tarapynan rızashylyǵymyzdy bildiremiz. Birneshe kún buryn «Birge – taza Qazaqstan» aktsııasy aıasynda ekologııalyq sharaǵa qatysýǵa aqtóbelikterge úndeý jasadyq. Jospar boıynsha 300-400 adam jınalýy kerek edi. Esepteýimiz boıynsha, 5 myńnan asam aqtóbelik ekochellendjge kelip, demalys kúnderi tabıǵatymyzdy tazalaýǵa óz úlesin qosýǵa nıet bildirdi», - dedi oblys ákiminiń orynbasary Qaırat Bekenov.
Al búgingi ekologııalyq sharaǵa 700 aqtóbelik qatysty. Olar «Taý» demalys bazasy aınalasynan shamamen 40 tonna qoqys shyǵardy. Ásirese, muzdaı sýdy keshýden qoryqpaǵan «Podıým» model agenttiginiń basshysy Ásel Dılıtdınova erekshe kózge tústi. Ózen ortasyna baryp, plastık bótelkelerdi jınaǵan ol basqalarǵa da úlgi boldy.
Sondaı-aq, qalalyq ákimdiktiń qyzmetkerleri de erekshe belsendilik tanytty. Olar syrt kıimderin sheship, ózen ortasynda jınalǵan qoqysty jınady.
«Senbi saıyn senbilikter ótip turady. Arnaıy keste jasaldy. Bul aktsııany tek memlekettik qyzmetkerler ǵana emes, barlyq qazaqstandyqtar bolyp qoldaýymyz kerek. Aqtóbelikter tabıǵatty taza ustaıtyn bolsa, urpaqqa qaldyrar taza sýymyz ben aýamyz bolady. Barlyq turǵyndardy sharany qoldaýǵa shaqyramyn», - dedi qala ákimi Mavr Abdýllın.
