Ekobelsendi Greta Týnbergke taǵy aıyppul salyndy

Polıtsııaǵa baǵynbaı, qoǵamdyq tártipti buzǵany úshin shved belsendisi aıyppul tóleýge mindetteldi. Kazinform bul týraly Euronews-ke silteme jasap habalaıdy.

Shvetsııanyń Malme qalasynyń soty tanymal ekobelsendi Greta Týnbergke 5500 kron (shamamen 240 myń teńge) mólsherinde aıyppul saldy. Osylaısha, Týnberg qoǵamdyq tártipti buzyp, bıyl shildede bolǵan aktsııa kezinde polıtsııaǵa baǵynbaǵany úshin jazalandy.

Sol kezde narazy top qazba otyndy paıdalanýǵa qarsylyq retinde Malme portyna kirer joldy jaýyp tastaǵan bolatyn.

Maýsym aıynda osyǵan uqsas narazylyǵy úshin oǵan alǵash ret aıyppul salynǵan edi. Jıyrma jastaǵy belsendi ózin kináli dep eseptemeıdi.