Ekoaktsııa: Elorda turǵyndary qoqysty kofege aıyrbastaı alady
ASTANA. KAZINFORM – Astanada «Taza Qazaqstan. Astana – tazalyq pen tártiptiń úlgisi» aýqymdy ekoaktsııasy ótip jatyr. Onyń aıasynda Saryarqa aýdanynyń ákimdigi «Bótelkelerdi jınap, kofe al» atty erekshe aktsııasyn bastady. Bul týraly Astana ákimdiginiń resmı saıty habarlady.
Saryarqa aýdany ákiminiń apparaty bólim basshysynyń mindetin atqarýshy Damır Hısmatýllınniń aıtýynsha, aktsııa qoqysty bólek jınaý jáne bótelkelerdi odan ári óńdeý protsesine múmkindiginshe kóp adamdy jumyldyrý úshin ótkiziledi.
«Bótelkelerdi jınap, kofe al» aktsııasynyń basty maqsaty plastmassa, qalaıy jáne shyny buıymdardy qaıta óńdeý máselesin nasıhattaý úshin, sondaı-aq halyqty bótelkelerdi bólek jınaý jáne odan ári qaıta óńdeý protsesine qatysýǵa qyzyqtyrý bolyp sanalady. Aktsııa aıasynda plastmassa, qalaıy jáne shyny bótelkeler qabyldanady. Sonymen, kofege aıyrbastaý úshin sizge 50 plastık, 30 qalaıy nemese 15 shyny bótelke qajet. Kofege aıyrbastaý – bul adamdardy qyzyqtyrý úshin sımvoldyq yntalandyrý», - dedi ol.
Bótelkelerdi tapsyrǵannan keıin olarǵa sýsyn alýǵa bolatyn jerge sertıfıkat beriledi.
Aıta ketý kerek, aýqymdy ekoaktsııa aıasynda qalany sanıtarlyq tazartý, nóser jáne aryq kanalızatsııasy, kóshelerdi, trotýarlardy, kvartalishilik aýmaqtardy, qoǵamdyq keńistikter men aýlalardy tazalaý jumystary júrgizilip jatyr.
Sondaı-aq, jasyl jelekterdi kútip-ustaý jáne otyrǵyzý, saýda nysandaryna irgeles aýmaqtardy jınaý, kógaldar men gúlzarlardy tazartý, ruqsat etilmegen polıgondardy joıý jumysy júrgizilip jatyr.
