EKO jasatpastan buryn vaktsına alǵan durys pa
NUR-SULTAN. QazAqparat – Ekstrakorporaldi uryqtandyrý jasatpaı turyp, koronavırýsqa qarsy vaktsına saldyrǵan durys. Bul týraly Qazaqstannyń reprodýktıvti medıtsına qaýymdastyǵynyń prezıdenti Vıachaslav Lokshın aıtty, dep habarlaıdy QazAqparat tilshisi.
«Qosalqy reprodýktıvtik tehnologııalar jaıynda aıtar bolsaq, ózderińizde bilesizder, bıyl «Ańsaǵan sábı» baǵdarlamasy bastaldy. Onyń aıasynda 7 myń kvota bólinip otyr. Qazirgi ýaqytta jasandy jolmen uryqtandyratyn ortalyqtarǵa keletin patsıentter belsendiligi arta túsýde. Bul rette barynsha saqtyq tanytý qajet nemese EKO jasatardyń aldynda ózińdi qorǵaý úshin vaktsına saldyrǵan durys», - dedi ol Ortalyq kommýnıkatsııalar qyzmetindegi baspasóz máslıhatynda.
Bilikti mamannyń aıtýynsha, koronavırýs spermatogenezge áser etedi. ıAǵnı, turaqty bolmasada da úsh aıǵa sháýet jasýshasy sanynyń jáne sapasynyń tómendeýi anyqtalǵan.
«Sondyqtan da EKO baǵdarlamasyna daıyndalǵan kezde karantın talaptaryn barynsha qatań saqtaý qajet», - dedi Vıachaslav Lokshın.
