Eko-pıknık: Astanada erekshe formatta ekoaktsııa ótti

ASTANA. KAZINFORM – «Taza Qazaqstan. Astana – tazalyq pen tártiptiń úlgisi» ekologııalyq aktsııasy aıasynda Prezıdenttik saıabaqta kıno kórsetilim ótti, dep habarlaıdy elorda ákimdiginiń resmı saıty.

«Kóktemniń jyly kúninde astanalyqtar bir kúndi otbasymen birge ótkize alady. Balalarǵa arnalǵan tegin baǵdarlama uıymdastyryldy, olarǵa anımatorlar oıyn ótkizedi, akvagrım, sahnada sıqyrshylar jumys isteıdi.Sonymen qatar «Hatıko» fılminiń keshki kórsetilimin uıymdastyrdyq jáne kire beriste kórpeler tarattyq. Ekologııalyq aktsııanyń bul bastamasy barshamyzdy týǵan jerimizdi taza etý maqsatynda biriktirýge arnalǵan», - dep atap ótti Esil aýdany ákimdiginiń ishki saıasat bóliminiń basshysy Álı Joltabar.

Aktsııany uıymdastyrýshylardyń aıtýynsha, is-sharanyń maqsattarynyń biri – qala turǵyndarynyń minez-qulqynyń jańa ekologııalyq mádenıetin qalyptastyrý. Pıknıkten keıin qonaqtar saıabaqtyń aýmaǵyn taza qylyp, qoqystardy jınap ketti.

«Biz búgingi kúnge óte qýanyshtymyz! Bul – jaǵymdy energııa men qýanyshqa toly óte jaqsy sát. Otbasymyzben ekoaktsııaǵa qatystyq, is-sharaǵa qatysqan adamdar sanynyń kóptigine tań qaldyq. Maǵan balalar úshin anımatorlar, bet boıaýlary, sıqyrshylar sııaqty qyzyqty baǵdarlama uıymdastyrylǵany unady. Olar basynda qaı jaqqa qararlaryn bilmedi. Osyndaı keremet pıknık úshin uıymdastyrýshylarǵa raqmet», - dedi elorda turǵyny Kamıla Tólemisova.

Keshke saıabaq qonaqtary úshin ashyq aspan astynda kıno kórsetilimi uıymdastyrylady. Aıta ketý kerek, ekoaktsııaǵa 1000-nan astam adam keldi.

Astanada «Taza Qazaqstan. Astana – tazalyq pen tártiptiń úlgisi» aýqymdy ekologııalyq aktsııanyń osy aptasy «Móldir bulaq» dep atalady. Bul aptada sý aıdyndary – ózender men kólderdiń aınalasy qoqystan tazartylady.