Eko-mádenıetti damytýǵa qatysty aýqymdy josparymyz bar – Zúlfııa Súleımenova

ASTANA. QazAqparat – Ekologııa jáne tabıǵı resýrstar mınıstri Zúlfııa Súleımenova qoǵamnyń eko-mádenıetin arttyrýǵa qatysty mınıstrlik josparyn jaıyp saldy, dep habarlaıdy QazAqparat tilshisi.

«Eko-mádenıet - ekologııa salasyndaǵy mańyzdy aspektilerdiń biri. Sebebi úlken ózgeris kishi qadamnan bastalady. Ekologtar qaýymdastyǵy arasynda mynadaı sóz tirkesi bar - «10 minsiz ekolog bolǵansha, mini kóp bolsa da, tabıǵatqa shynymen jany ashıtyn 100 ekolog bolsyn». ıAǵnı, bar másele olardyń qorshaǵan ortaǵa rasymen de paıdasyn tıgizýinde. Eko-mádenıetti qalyptastyrý jáne damytý árqaısymyzdan bastalady. Osy oraıda eko-mádenıetke qatysty aýqymdy josparymyz ben ıdeıalarymyz bar», - dedi Zúlfııa Súleımenova Jibek Joly telearnasyna bergen suhbatynda.

Sondaı-aq, vedomstvo basshysy ekolog - paıdaly maman ekenin alǵa tartty.

«Kóp uzamaı elimizde ekologtardyń jańa býyny nemese qorshaǵan ortaǵa janashyrlar toby paıda bolady degen úmittemiz. Sol arqyly óz elimizdi jaqsarta túsemiz», - deıdi mınıstr.

Buǵan deıin elimizdiń bas ekology atom elektr stansasyn salý barysy egjeı-tegjeıli qaralatynyn jetkizgen edi.