Ekinshi jáne úshinshi ret daýys berý kezinde de Rım papasy kim bolatyny anyqtalmady

ASTANA. KAZINFORM – Beısenbi kúni Sıkstına kapellasynyń murjasynan qara tútin shyqty. Bul degenińiz Papa konklavyndaǵy kardınaldar Frantsısktiń ornyn basatyn adamdy ekinshi jáne úshinshi daýys berý kezinde de anyqtaı almady degendi bildiredi, dep habarlaıdy Kazinform agenttiginiń menshikti tilshisi.

Qara tútin sársenbi kúni ótken birinshi daýys berý kezinen keıin de shyqqan bolatyn.

Endi daýys berýshi 133 kardınal Vatıkandaǵy Santa-marta rezıdentsııasyna barady.

Beısenbi kúni jergilikti ýaqyt boıynsha saǵat 11:51-de daýys berilip, artynan qara tútin shyqty. Aq tútin shyqsa 1,4 mlrd katolıktiń jańa kóshbasshysy anyqtaldy degen sóz.

Osyǵan deıin Vatıkanda daýys berýdiń ekinshi kúni bastalǵany týraly jazdyq.