Ekinshi tolqyny bastaldy: Qyzylsha aýrýy Qyrǵyzstanda da asqynyp tur
Qyrǵyzstanda 35-shi aptadan bastap qyzylsha aýrýynyń ekinshi tolqyny ótip jatyr. Aýrý juqtyrýdyń eń kóp jaǵdaıy Bishkekte, Jalal-Abad jáne Shý oblystarynda tirkelgen, dep habarlaıdy Qyrǵyzstannyń Densaýlyq saqtaý mınıstrliginen.
Kazinform agenttigi bul týraly Qyrǵyzstannyń Kabar aqparat agenttigine silteme jasap habarlaıdy.
Eldiń Densaýlyq saqtaý mınıstrligine qarasty Respýblıkalyq ımmýnoprofılaktıka ortalyǵynyń aqparatynsha, 5 jeltoqsandaǵy jaǵdaı boıynsha qyzylsha aýrýy dep tanylǵan 5162 jaǵdaı tirkeldi, onyń ishinde 1627-i zerthanada rastalǵan.
Aıta keteıik, bıylǵy jyldyń 48-shi aptasynda (27.11.-03.12.23j.) Osh qalasy, Osh, Naryn jáne Ystyqkól oblystarynda qyzylsha aýrýynyń nóldik kórsetkishi tirkeldi (qyzylsha aýrýy tirkelmegen).
Jyl basynan beri birinshi tolqynda Bishkek, Osh qalalary jáne Osh oblysynda aýrýdyń belsendi aınalymy baıqaldy. 35-shi aptadan bastap Bishkek, Jalal-Abad jáne Shý oblystarynda belsendi aınalym baıqalǵan ekinshi tolqyn bastaldy.
Bul aımaqtarda aýrýǵa shaldyǵý kórsetkishiniń joǵary bolýy ondaǵy 1 jastan 6 jasqa deıingi balalardyń ata-analary josparly ekpelerdi saldyrtpaýyna baılanysty bolyp otyr.
Tómen qamtý profılaktıkalyq ekpelerden bas tartý sanynyń ósýimen, Bishkek jáne Osh sııaqty qalalarda syrtqy jáne ishki kóshi-qonnyń ulǵaıýymen baılanysty mıgranttardyń balalary densaýlyq saqtaý uıymdaryna jiberilmeıtinimen jáne tıisinshe josparly ekpelerden tys qalatynymen baılanysty boldy.
