«Ekinshi raýndtan keıin keńes berdim»: Myrzaǵalı Aıtjanov Azııa oıyndarynda Aslanbekke ne aıtty

Bokstan Qazaqstan quramasynyń bas bapkeri Myrzaǵalı Aıtjanov qurama kapıtany Aslanbek Shynbergenovtiń Hanchjoýda (Qytaı) ótip jatqan Azııa oıyndaryndaǵy jeńisi týraly pikir bildirdi, dep habarlaıdy QazAqparat. 

71 keli salmaqta synǵa túsip jatqan Aslanbek Shymbergenov shırek fınalda ózbekstandyq álem chempıony Asadnhýdja Mýdınhýdjaevpen kezdesken bolatyn. Alǵashqy eki raýndta qarsylasy upaı sanymen utyp jatty. Alaıda úshinshi raýndta ashyq shabýylǵa kóshken otandasymyz ózbekstandyq boksshyny úsh ret nokdaýnǵa túsirip, jeńisti julyp aldy.

«Birinshi, ekinshi raýnd utsa da, jeńis arǵy jaqqa ketip jatty. Biraq ekinshi raýndtan keıin «Qobaljyma, óz tirligińdi isteı ber. Kim biledi, nokaýtqa jiberetin shyǵarsyń» dep aıtqan edim. Bapkerdi tyńdady, ózi de rıza bolyp tur. Bul jerde qobaljyp, qatelesseń, oǵan jaqsy bolady. Salqynqandy bolyp, baspen jumys isteseń, jeńisti solaı alasyń», - dedi bas bapker.

Olımpıada chempıony Serik Sápıev te Qazaqstan quramasynyń kapıtany Aslanbek Shymbergenovtiń tartysty jekpe-jegi týraly oı bólisti. Ol sportshyǵa ádiletsizdik jasaǵysy kelgenderdiń jospary oryndalmaǵanyn jetkizdi.

«Aslanbekti jeńisimen quttyqtaımyz! Jaraısyń», - dep jazdy Serik Sápıev Instagram jelisindegi paraqshasynda.

Endi qurama kapıtany fınalda taǵy bir álem chempıony, japonııalyq Sevon Okadzavamen judyryqtasady.