09:49, 08 Aqpan 2025 | GMT +5
Ekinshi medal! Evgenıı Koshkın - qysqy Azııa oıyndarynyń kúmis júldegeri
HARBIN.KAZINFORM - Qazaqstan sportshysy Evgenıı Koshkın IX qysqy Azııa oıyndarynda kúmis medal jeńip aldy.

Harbınde ótip jatqan qysqy Azııa oıyndarynyń erler arasynda 100 metrge konkımen júgirýden básekeler aıaqtaldy. Qazaqstandyq sportshylar Artýr Galıev, Nıkıta Vajenın, Altaı Járdembekuly jáne Evgenıı Koshkın jarys jolyna shyqty.
Qortyndysynda Evgenıı Koshkın 9.47 sekýnd nátıje kórsetip, ekinshi orynnan kórindi.
Altaı Járdembekuly (9.64 sekýnd) qola júldege bir taban jetpeı qaldy.
Aıta ketrligi, bul - Qazaqstan quramasynyń Harbın qysqy Azııa oıyndaryndaǵy ekinshi kúmis júldesi.
Osyǵan deıin, short-trekten Qazaqstan komandasy aralas estafedan (2000 metr) kúmis medal jeńip alǵan edi.