Ekinshi kún qatarynan Parsy shyǵanaǵy elderinde jarylystyń dúmpýi estiledi
ASTANA. KAZINFORM — Parsy shyǵanaǵynyń birneshe elinde zymyran men dron shabýylynyń jańa tolqynyna baılanysty jarylystar men áýe qorǵanys júıeleriniń jumysy tirkelip jatyr, dep jazdy Kazinform agenttiginiń óz tilshisi.
Jeksenbi kúni Dýbaı men Qatar astanasy Dohı turǵyndary aspannan jarylys dúmpýin qaıta estigenin aıtty. Qatar bıligi málimetinshe, áýe qorǵanys júıeleri shabýyldardy toıtaryp otyr. Qatar ishki ister mınıstrligi shabýyl bastalǵaly beri 16 adam zardap shekkenin jáne túrli aýdandarda materıaldyq shyǵyn bolǵanyn habarlady.
Dýbaıda dronnyń qulaǵan bólshekteri turǵyn úılerge túskennen keıin eki adam jaralanǵan. Djebel-Alı port aýdanynda qulaǵan bólshekterdiń saldarynan bir prıchalda órt shyqqany habarlandy. Sonymen qatar halyqaralyq áýejaı jáne týrıstik nysandar ornalasqan aımaqtarda ınfraqurylym zaqymdandy.
Abý-Dabıde Etihad Towers keshenindegi turǵyn úı fasadyna qulaǵan ustalǵan dron bólshekterinen áıel men bala jeńil jaraqat aldy.
Bahreın bıligi ballıstıkalyq zymyrandar men drondardyń jańa tolqyndaryn toıtaryp tastaǵanyn habarlady, al Kýveıtte áýe dabyly estildi.
Relevant authorities in Abu Dhabi are dealing with an incident involving the fall of debris from a drone after it was intercepted by air defence systems onto the façade of one of the buildings at Etihad Towers. The incident resulted in minor injuries to a woman and her child, as…
— مكتب أبوظبي الإعلامي (@ADMediaOffice) March 1, 2026
Iordanııa koroldiginiń áýe qorǵanys júıeleri Amman jáne eldiń soltústik aımaqtary ústindegi áýe keńistigindegi zymyrandardy toıtaryp tastady.
Jeksenbi kúni Irannyń Islam revolıýtsııasy gvardııasy AQSh pen Izraıldiń Iran aýmaǵyna jasaǵan soqqylaryna jaýap retinde altynshy tolqyn shabýyldardy júrgizgenin habarlady. Habarlamada Izraıl men AQSh áskerı nysandaryna zymyrandar men drondarmen soqqylar jasalǵany aıtylǵan.
Buǵan deıin Omandaǵy keme jáne Dýkm portyna soqqylar týraly habarlaǵan bolatynbyz.