EQQDB Astanaǵa 200 zamanaýı avtobýstardyń satyp alýyna qarajat bóledi
ASTANA. QazAqparat - Londonda búgin kólik jelisin jańǵyrtýdy qoldaý úshin Astana qalasynyń ákimdigi, ákimdikke qarasty «Astana LRT» jáne EQQDB arasyndaǵy úshjaqty kelisimshartqa qol qoıyldy. Bul týraly elorda ákimdiginiń resmı saıtynda habarlady.
Kelisimshartqa sáıkes 2016 jyldan bastap 2017 jylǵa deıingi kezeńde qalalyq avtobýstar jańa býynynyń 200 birligin jetkizýge qarjy bólý qarastyrylǵan.
Jańǵyrtý sharttaryna sáıkes jańa kólik aqparattandyrýdyń zamanaýı júıelermen, jolaýshylardy sanaý, vıdeobaqylaý, kondıtsıoner jáne jylytý qondyrǵylarmen jabdyqtalýy tıis. Jeke qarjylandyrý sharttary boıynsha jańa avtobýstar múmkindigi shekteýli jandarǵa da yńǵaıly bolýy qajet.
Kelisimshartqa qol qoıý Astana qalasynyń ınvestıtsııalyq tartymdylyǵyn kýálandyratynyn atap ótý mańyzdy. EQQDB sarapshylary qala ákimdigi elordanyń kólik keshenin jańǵyrtý men damytýda durys jol qabyldaǵanyn atap ótti.
«Bul kelisimshartqa qol qoıý Astana qalasynyń ákimdigi men Eýropalyq qaıta qurý jáne damý banki arasyndaǵy yntymaqtastyqqa qosymsha serpin beredi. Banktiń ınvestıtsııalary elorda turǵyndary men qonaqtardyń ómirindegi jaqsy ózgertýlerge ákeletin ınnovatsııalyq sheshimderdi júzege asyrýǵa yqpal etedi» dedi Astana qalasynyń ákimi Ádilbek Jaqsybekov.
Astana qalasynyń Jolaýshylar tasymaly jáne avtomobıl joldary basqarmasy men «Astana LRT» JShS birlesip kalalyq kólik tapshylyǵyn sheshý maqsatynda «City bus» atty úsh kezeńnen turatyn jyljymaly quramdy jańartý jobasy engizildi. Birinshi kezeńdi júzege asyrý aıasynda halyqaralyq standartqa saı IVECO Citelis markaly 358 birlik avtobýsqa kelisimshart bekitildi.
