EQYU ókili Qazaqstandaǵy aktıvterdi qaıtarý isi týraly pikir bildirdi

«Eýropadaǵy qaýipsizdik jáne yntymaqtastyq uıymy baǵdarlamalarynyń Astanadaǵy keńse basshysy Folker Frobart eldegi aktıvterdi qaıtarý protsesi týraly pikir bildirdi, dep habarlaıdy Kazinform.

Sybaılas jemqorlyqqa qarsy is-qımyl agenttigi uıymdastyrǵan forým barysynda BAQ ókilderiniń saýalyna jaýap bergen Folker Frobart Qazaqstanda zańsyz ıemdenilgen aktıvterdi qaıtarý baǵytynda júrgizililip jatqan jumystarǵa erekshe toqtaldy.

«Jańa Qazaqstanda kóptegen ózgerister bolyp jatyr. Zańnama turǵysynan alsaq, retteý tetikteri jetildirilýde. Bul jemqorlyq kózderin joıý úshin qajet. Jemqorlyqtyń jolyn kesý úshin qolǵa alynǵan tsıfrlandyrý protsesterin de atap ótýge bolady. Bul máseleler tótenshe mańyzdy. Óıtkeni jemqorlyqpen kúrestiń eń jaqsy tásili – oǵan óris qaldyrmaý», - dedi EQYU ókili.

Halyqaralyq uıym ókili Qazaqstandaǵy jemqorlyqpen kúres týraly jańalyqtardy jiti baqylap otyratynyn, sol málimetter negizinde aktıvterdi qaıtarý isinde qol jetkizgen nátıjelerge kóńili tolatynyn aıtady.

«Aktıvterdi birizdendirý men deklaratsııalaýǵa kelsek, bizdiń keńse Qazaqstanǵa aıtarlyqtaı qoldaý kórsetti. Sondaı-aq, elden zańsyz shyǵarylǵan aktıvterdi qaıtarý jumystary tańǵalarlyq qarqynmen kólemde júrgizilip jatyr jáne qomaqty somalar aıtylýda. Bul turǵydan Qazaqstandy tek quttyqtaı alam. Bul tamasha jetistik», - dedi ol.