EQYU Mınsk toby men onymen baılanysty qurylymdardyń jumysyn aıaqtady

ASTANA.KAZINFORM - EQYU Mınsk toby men onymen baılanysty qurylymdardyń jumysyn aıaqtady. Bul týraly uıym málimdemesinde aıtylǵan.

-EQYU Mınsk protsesin jáne onymen baılanysty qurylymdardy jabý jónindegi jumysyn 2025 jyldyń 30 qarashasynda saǵat 23:59-da Armenııa men Ázerbaıjannyń Fınlıandııanyń EQYU tóraǵalyǵyna birlesken úndeýinen keıin 2025 jyldyń 1 qyrkúıeginde qabyldanǵan Mınıstrler keńesiniń sheshimine sáıkes aıaqtady, - delingen baspasóz habarlamasynda.

Uıym jabý protsesiniń 1 qyrkúıekte EQYU-ǵa qatysýshy barlyq 57 memlekettiń konsensýs sheshimin oryndaýy ekenin atap ótti. Bul sheshim 2025 jyldyń 8 tamyzynda Vashıngtonda Armenııa premer-mınıstri Nıkol Pashınıan men Ázerbaıjan prezıdenti Ilham Álıevtiń AQSh prezıdenti Donald Tramptyń qatysýymen qol qoıǵan «tarıhı birlesken deklaratsııadan» keıin qabyldandy.

EQYU Mınsk toby 1992 jyly quryldy jáne Reseı, Frantsııa jáne AQSh-tyń teń tóraǵalyǵymen Armenııa-Ázerbaıjan qaqtyǵysyn sheshý joldaryn izdestirý úshin jumys istedi.

Buǵan deıin Armenııa premer-mınıstri Nıkol Pashınıannyń Ázerbaıjanmen beıbitshilik týraly kelisimge qol qoıýdy jáne EQYU Mınsk tobyn taratý týraly birlesken málimdeme jasaýdy usynǵany habarlanǵan bolatyn.