Ekinshi jartyjyldyqta ekonomıka ósimi úshin naqty qadamdar qabyldaý qajet - E. Dosaev
ekinshi jartyjyldyqta ekonomıkanyń jetistikti jumys isteýi úshin jáne daǵdarys úderisterine qarsy turý úshin naqty qadamdar qabyldaý qajet. Bul týraly búgin Úkimet otyrysynda Ekonomıka jáne bıýdjettik josparlaý mınıstri Erbolat Dosaev málim etti.
Mınıstr bul rette Úkimettiń daǵdarysqa qarsy jospary bar ekenine toqtala kele, qazirdiń ózinde makroekonomıkalyq turaqtylyqty qoldaýǵa, ishki suranysty yntalandyrýǵa, ekonomıkanyń naqty sektoryn qoldaýǵa jáne elde jumyssyzdyqtyń ósýine jol bermeýge baǵyttalǵan keıbir sharalardy iske asyrýdy bastaý qajettigin atap ótti.
«Aýylda kásipkerlikti damytý arqyly jumys oryndaryn qurý, oqytý jáne eńbekke ornalastyrýǵa járdemdesý jáne eńbek resýrstarynyń utqyrlyǵyn arttyrý boıynsha daǵdarysqa qarsy sıpattaǵy kóptegen is sharalar qaıta qabyldanǵan «Jumyspen qamtý - 2020» jol kartasy baǵdarlamasyna endi. Bıýdjetti naqtylaý kezinde jumyspen qamtý jol kartasyn iske asyrýǵa 2013 jyly qosymsha 30,1 mlrd. teńge bólindi. Onyń ishinde ınfraqurylymdy jáne turǵyn úı-kommýnaldyq sharýashylyǵyn damytý arqyly jumyspen qamtýdy qamtamasyz etýge 20 mlrd. teńge, kásipkerlikti damytý arqyly jumys oryndaryn qurýǵa 4 mlrd. teńge, eńbekke ornalastyrýǵa járdemdesýge kásipkerlik negizderin oqytý arqyly jáne jumys berýshiniń qajettilikteri sheńberinde qonys aýdarýǵa 3,7 mlrd. teńge bólindi. Tutastaı alǵanda Jumyspen qamtý jol kartasyn iske asyrýǵa 2013 jyly 104,9 mlrd. teńge kózdelgen. Bizdiń esepteýimiz boıynsha baǵdarlamany iske asyrý 2013 jyly JІÓ-niń ósýine 0,3 paıyzdyq tarmaq shamasynda qosymsha úles qosa alady», - dedi mınıstr.