Ekinshi týr qajet emes -RF prezıdenti saılaýynda V.Pýtın basymdyqpen jeńiske jetti - aldyn ala qorytyndy
MÁSKEÝ. 5 naýryz. QazAqparat - RF Úkimetiniń basshysy Vladımır Pýtın saılaýshylardyń 64,72 paıyzyna ıe boldy, dep habarlady Reseı OSK hattamalardyń 80 paıyzyn óńdegennen keıin (jergilikti ýaqyt boıynsha saǵat 03:00 málimetteri).
Ekinshi orynda 17,10 paıyz jınaǵan RFKP-nan kandıdat Gennadıı Zıýganov tur. Ózin ózi usynǵan Mıhaıl Prohorov 6,99 paıyz, RLDP-nyń kóshbasshysy Vladımır Jırınovskıı - 6,37 paıyz, «Ádiletti Reseı» partııasynyń kóshbasshysy Sergeı Mıronov 3,74 paıyzǵa ıe boldy. Jalpy alǵanda saılaýshylardyń saılaýǵa kelýi 64 paıyzdy qurady.
Birinshi aınalymda jeńiske jetý úshin kandıdatqa 50 paıyzdan astam daýys alý kerek. V.Pýtın bul synaqtan súrinbeı ótti.
Reseıdegi saılaý alǵash ret búkil el boıynsha saılaý ýchaskelerinde ornatylǵan veb-kameralardyń baqylanýymen ótti. Keshe daýys berý tártibin ǵalamtor arqyly mıllıonnan astam adam baqylady.
