Ekinshi toqsanda Germanııa ekonomıkasy qatty quldyrady
BRıÝSSELЬ. QazAqparat – Germanııa ekonomıkasy koronavırýske baılanysty sáýir-maýsym aılarynda ótken toqsanmen salystyrǵanda 10,1%-ǵa qysqardy, dep habarlaıdy QazAqparat federaldy statıstıkalyq vedomstvoǵa silteme jasap.
«Bul Germanııanyń ІJÓ-niń toqsandyq statıstıkasy tirkele bastaǵan 1970 jyldan bergi eń úlken quldyraý kórsetkishi», - dep habarlady vedomstvoda.
Quldyraý kórsetkishi Germanııa tarıhyndaǵy burynǵy nashar kórsetkishten áldeqaıda asyp tústi. Álemdik ekonomıkalyq daǵdarys kezinde 2009 jyldyń birinshi toqsanynda 4,7% - ǵa tómendegen edi.
Eýropanyń iri ekonomıkasynyń JІÓ jyldyq esepteýde sáýirden maýsymǵa deıin 11,7%-ǵa tómendedi.
«Mundaı edáýir quldyraý kórsetkishi 2008-2009 jyldardaǵy ekonomıkalyq daǵdarys kezinde de baıqalǵan joq», - dep kórsetilgen staıstıkada.
Federaldy statıstıka vedomstvosy sonymen qatar, bıylǵy jyldyń ekinshi toqsanynda taýarlar men qyzmetterdiń eksporty men ımportynyń, úı sharýashylyǵy shyǵyndary, kólikter men jabdyqtarǵa salynǵan kúrdeli qarjy jumsalymynyń jappaı tómendeýi baıqalatynyn habarlaıdy.
Eske sala keteıik, Germanııa úkimeti birinshi toqsannyń qorytyndysy boıynsha Ekinshi dúnıejúzilik soǵystan bergi GFR-daǵy eń nashar ekonomıkalyq quldyraý kórsetkishin kútken bolatyn. Bıylǵy jyly jalpy ishki ónim 6,3% -ǵa tómendeýi múmkin.
