Ekinshi «qara jáshiktiń» málimetterinen A320 ushaǵynyń qasaqana qulatylǵany rastaldy
ASTANA. QazAqparat - A320 ushaǵynyń ekinshi «qara jáshiginiń» málimetteri ekinshi ushqysh Andreas Lıýbıtstiń ushaqty qasaqana qulatqanyn rastady, dep habarlady RBK.
«Birinshi málimetterge qaraǵanda, kabınada bolǵan ushqysh ushaqty 100 fýt (30 m) bıiktikke deıin tómendetý úshin avtoushqyshty paıdalanǵan» degen Azamattyq avıatsııanyń qaýipsizdik saraptamasy men tergeý boıynsha Bıýronyń málimdemesin Reuters keltirdi.
Ushqysh ushaqtyń jyldamdyǵyn arttyryp otyrǵan. Apatqa ushyraǵan A320 ushaǵynyń ekinshi «qara jáshigi» jýyrda tabylǵan. Birinshisi 24 naýryzda tabyldy. Birneshe kúnnen keıin prokýror Marselıa Borıs Roben «qara jáshiktegi» málimetterge qaraǵanda Lıýbıts ekıpaj komandıri kabınadan shyǵyp ketken soń ushaqty qasaqana qulatqanyn málimdegen. Apattan soń tergeýshiler Lıýbıtstyń úıin tintti. Munda ushqyshtyń emdeýden ótip jatqanyn rastaıtyn aıǵaqtar tabyldy. 31 naýryzda «Lufthansa» kompanııasy Lıýbıtstiń 2009 jyly jumys berýshige kúızelisten zardap shekkenin habarlaǵany týraly málimdemeni jarııalaǵan. Germanwings-te ushqyshtyń bul derti jaıly bilmegenin, al medıtsınalyq tekseristiń barlyǵynan da ol sátti ótkenin aıtty. Jýyrda Dıýsseldorf prokýratýrasynda Lıýbıts ushqyshtar kabınasy esiginiń qaýipsizdik júıesi jaıly jáne óz-ózine qol jumsaýdyń tásilderi týraly surastyrǵanyn habarlady. Tergeýge qatysqandar qaza tapqannyń kompıýterin teksergen soń osyndaı sheshimge kelipti. A320 ushaǵy 24 naýryzda apatqa ushyrady. Saldarynan 150 adam kóz jumdy.
