Ekinshi qabattan sekirip ketken aqtóbelik áıel sotta jeńip shyqty
AQTÓBE. QazAqparat - Búgin ekinshi qabattan sekirip ketken Irına Shmıdtke zorlyq kórsetpen bolǵan aıyptalýshynyń kinási sotta dáleldenip, ol 10 jylǵa bas bostandyǵynan aıyryldy, dep habarlaıdy QazAqparat tilshisi.
Buǵan deıin habarlaǵanymyzdaı, Irına Shmıdt ózin zorlamaq bolǵan adamdardan qorǵanyp, ekinshi qabattan sekirip ketken edi. Bir aı boıy aýrýhanada em qabyldaǵan ol baldaq ustap, balalarynyń qamy úshin ákimdikke bardy.
Al búgin Qylmystyq kodekstiń «Zorlaý» baby boıynsha qozǵalǵan istiń úkimi shyqty. Aqtóbe oblystyq qylmystyq ister jónindegi mamandandyrylǵan aýdanaralyq sotynda sýdıa A.Sabyrov aıyptalýshyny 10 jylǵa bas bostandyǵynan aıyrdy. Sonymen qatar, ol Irına Shmıdtke 1 mıllıon teńge moraldyq shyǵyn tóleýge mindetteldi. Sot úkimi kúshine engen joq.
Aıta keteıik, aıyptalýshy tarap úkimmen kelispeı, apellıatsııalyq shaǵym túsirýge daıyndalyp jatyr.
«Irına Shmıdt buryn adam óltirgeni úshin sottalyp, jazasyn ótep shyqqan. Sonymen qatar, ol vokzal mańynda jynystyq qyzmet kórsetken. Muny vokzal mańyndaǵy adamdar dáleldedi. Sot kezinde qurylysshymyn, eýrojóndeý júrgizemin dep aıtty. Jaýaby shyndyqqa janaspaıdy dep esepteımiz. Tek dene jaraqatyn alǵan»,- dedi aıyptalýshynyń qorǵaýshysy Aıbek Qoıanbaev.
