Ekinshi dúnıejúzilik soǵystyń sońǵy núktesin Qytaı qoıdy -N.Nazarbaev
BEIJІŃ. QazAqparat - Qytaıdaǵy Jeńis kúnin Ekinshi dúnıejúzilik soǵystyń núktesi retinde qarastyrý qajet. Búgin Qytaıdyń «Dıaoıýıtaı» memlekettik saraıynda baspasóz máslıhatyn ótkizgen QR Prezıdenti Nursultan Nazarbaev osylaı málim etti.
«Biz Qytaıǵa jeńistiń 70 jyldyǵy aıasynda keldik. Buǵan qosa biz tarıhtan Ekinshi dúnıejúzilik soǵystyń sońǵy núktesi dál osy jerde, mılıtarıstik japonııa tize búkkenen keıin qoıylǵanyn bilemiz. Bizdiń esimizde qalǵanyndaı, Keńes odaǵynan soǵys barysynda 27 mln. adam, qytaılyqtardan 35 mln. adam qaza tapty. Kvantýndyq topty talqandaý barysyna qazaqstandyqtar da qatysyp, osy jerde jerlendi. Sondyqtan da bul turǵyda bizderdiń yntymaqtasar tusymyz bar», - dedi Memleket basshysy. Sonymen qatar, Elbasy áskerı sherýdiń keńestik mura ekendigin basa atap ótti. «Ózderińizde biletindeı álemde sherýge basa mán berilmeıdi. Jeńistiń 50 jyldyǵynda men Parıjdegi sherýge qatystym. Onda Trıýmfaldi arka tóńiregin jaýyngerler men Franýtsz legıony aınalyp ótip, sonymen bári aıaqtaldy. Londonda da patshaıymnyń qatysýymen úlken sherýde ǵıbatat etý rásimi jasaldy. Sol soǵysta qaza tapqan mıllıondaǵan adamdarǵa qurmet kórsetý jáne taǵzm etý úshin, zulmattyń taǵy da qaıtlanbaýy úshin muny taǵy jasaý qajet dep sanaımyn. Sondyqtan da Máskeý soǵystyń bar aýyrtpalyǵyn óz moınyna júktegen Keńes odaǵynyń ózegi retinde, burynǵy Keńes odaǵynyń atynan osyndaı áskerı sherýdi ótkizýge, ol soǵysqa qatysqandardyń, onyń ishinde qazaqstandyqtardyń da erligin atap ótýge tolyǵymen quqyly», - dedi QR Prezıdenti. Beıjiń sherýiniń mán-maǵynasyna da keńinen toqtalǵan N.Nazarbaev sóz arasynda Japonııanyń Qytaıdy jaýlap alýy 1937 jyly bastalǵanyn qaperge salyp ótti. Elbasynyń atap ótýinshe, osy soǵys barysynda Keńes odaǵy 27 mln. adamnyna aıyrylsa, Qytaıdyń 35 mln. adamy da osy soǵysta kóz jumǵan bolatyn. «Demek, 3 qyrkúıekte Japonııanyń tize búgýi Ekinshi dúnıejúzilik soǵystyń aıaqtalýy dep sanalady. Ol dál osylaı túsindiriledi de», - dedi N.Nazarbaev.
Eske sala keteıik, keshe N.Nazarbaevtyń Qytaıǵa jasaǵan memlekettik sapary aıasynda QHR Tóraǵasy Sı Tszınpınmen, úsh qytaılyq korporatsııanyń (CNPC, CITIC Group, Qinghua) basshylarymen kezdesýleri ótip, 12 ekijaqty qujatqa qol qoıylǵan bolatyn. Sapar 3 qyrkúıekke deıin jalǵasady. Beısenbi kúni QR Prezıdenti qytaı halqynyń japondyq basqynshylarǵa qarsy kúresi soǵysyndaǵy Jeńisiniń 70 jyldyǵyna arnalǵan saltanatty paradqa qatysady.
