Ekinshi dúnıejúzilik soǵystan qalǵan ushaq apatqa ushyrap, 7 adam qaza tapty

NUR-SULTAN. QazAqparat – Ekinshi dúnıejúzilik soǵystan qalǵan bombalaýshy ushaq Bredlı áýejaıynda apatqa ushyrap, kem degende jeti adam qaza tapty (Konnektıkýt shtaty). Bul týraly NBC telearnasy derekkózge silteme jasap habarlady.

Budan buryn Konnektıkýt polıtsııasynyń komıssary Djeıms Rovella apat qurbandary bar ekendigin málimdegen bolatyn. Biraq olardyń sanyn aıtpady.

Djeıms Rovellanyń sózine qaraǵanda, B-17 ushaǵynyń bortynda 13 adam: 10 jolaýshy jáne úsh ekıpaj múshesi, al bombalaýshy ushaq soǵylǵan qosalqy ǵımaratta áýejaıdyń tehnıkalyq qyzmetkeri bolǵan.

NBC-tiń atap ótýinshe, zardap shekken alty adam taıaý mańdaǵy aýrýhanaǵa jetkizilgen, olardyń úsheýi aýyr jaǵdaıda.

Ushaq AQSh-tyń Shyǵys jaǵalaýy ýaqyty boıynsha shamamen 09:45-te áýege kóterilgen. Arada toǵyz mınýt ótkende ushqyshtar Bredlı áýejaıyna ushaqta problema týyndaǵandyǵyn, ony tıisti bıiktikke kóterilmegendigin habarlaǵan. On mınýttan soń V-17 áýejaıdyń qosalqy ǵımaratyna soǵylǵan.