Ekinshi dúnıejúzilik soǵystaǵy áıelder erligi onlaın-kórmede kórsetildi
Onlaın-kórmeden erlermen birge jaýǵa qarsy jankeshtilikpen soǵysqan jáne maıdan dalasyna qarý-jaraqpen qatar, kıim-keshek, turmysqa qajetti zattardy jóneltip, Jeńiske úles qosqan tyldaǵy qyz-kelinshekterdiń erligi baıandalady.
«Soǵystyń alǵashqy kúnderinen bastap myńdaǵan qyzdar óz erikterimen qan maıdanǵa attandy. Olardyń qatarynda kókshelik jerlesterimiz de er azamattarmen ıyq tirese mınomettik, sanıtarlyq, avıatsııalyq polkterde, zenıttik áskerler men baılanys bólimshelerinde soǵysqa qatysty. Tyldaǵy áıelder maıdanǵa attanǵan azamattardyń ornyn basyp, aýyr ónerkásip pen sharýashylyqtyń barlyq salalarynda jankeshtilikpen eńbek etip, maıdandy qajetti jabdyqtarmen qamtamasyz etýde óz úlesterin qosty. Olar Kókshetaýǵa Podolsk qalasynan kóshirilgen 621-áskerı qupııa zaýytta oq-dáriler men soǵysqa qajetti ózge de ónimder shyǵardy, jaýyngerlerge jyly kıim-keshek tikti, evakýatsııalyq gospıtaldarda jaraly jaýyngerlerdi emdep, sapqa qosty, egistikte, sharýashylyqta jan aıamaı eńbek etip, maıdandy azyq-túlikpen qamtamasyz etti. Surapyl soǵys pen eńbek maıdanynda kún saıyn qaısarlyq pen tabandylyqtyń úlgisin kórsetken bizdiń názik jandy, qaısar minezdi jerlesterimiz! Olar - Uly Jeńis Batyrlary!», - delingen vıdeorolıkte.
