Ekinshi dúnıejúzilik soǵys kezindegi tanki jaryldy: qaza tapqandar bar
ASTANA. QazAqparat - Amerıkanyń Oreon shtatyndaǵy Deshýt okrýginiń aýyldyq jerinde Mıllıkan qalasy Atqyshtar sporty qaýymdastyǵy ıeligindegi atys alańynda qaıǵyly oqıǵa oryn aldy.
Bul jerde Ekinshi dúnıejúzilik soǵys kezindegi tankiniń jarylýy saldarynan eki adam qaza tapqan.
Jarylys ornyna kelip jetken polıtseıler aýyr jaraqattanǵan eki adamdy tapty. Al medıtsınalyq qyzmetkerler zardap shekkenderdi aman alyp qalýǵa árekettengenimen, ekeýi de kóp uzamaı kóz jumdy.
Polıtsııa qyzmetkerleri órteý jáne jarylǵysh zattar salasyndaǵy mamandardyń qatysýymen oqıǵany tergeý amaldaryna kiristi. Ázirge tanktiń jarylý sebepteri anyqtalǵan joq.
