Ekinshi dúnıejúzilik soǵys kezindegi kontslager qonaqúıge aınaldy (FOTO)
ASTANA. QazAqparat - Chernogorııadaǵy Mamýla aralynda Ekinshi dúnıejúzilik soǵys kezinde Mýsolını sarbazdary 1853 jyly Avstrııa-Vengrııa ımperııasy salǵan kemejaıdy tutqyndar azaptalǵan kontslagerge aınaldyrǵan bolatyn.
Búgingi kúnge deıin lager el bıligine de, týrısterge de qyzyqty bolmaǵandyqtan, qańyrap qalǵan úıindige aınaldy. Biraq aldaǵy ýaqytta Chernogorııa bıligi lagerdi endi lıýks klasyndaǵy qonaqúıge ózgertpek.
Bul ıdeıany bılikke shveıtsarııalyq Orascom Development Holding AG kompanııasy usynǵan. Bolashaq qonaqúıdiń kestesi boıynsha onda turǵyn bólmeleri, meıramhana men dámhana, úlken basseın bolady. Lagerdiń artynda ornalasqan aýmaqta ıahtalar men shaǵyn kemeler úshin kemejaı, sondaı-aq týrısterdi tartý úshin daıvıng ortalyǵyn salý kózdelip otyr, dep jazady billionnews.ru. 
