Ekinshi deńgeıli bankter úshin tutynýshylardy nesıelendirýde shekteý engiziledi - QR Ulttyq banki
ASTANA. QazAqparat - Ekinshi deńgeıli bankter úshin tutynýshylardy nesıelendirýde shekteý engiziledi. Bul týraly búgin Aqordada Memleket basshysy Nursultan Nazarbaevtyń tóraǵalyǵymen ótip jatqan QR Úkimetiniń keńeıtilgen otyrysynda Ulttyq bank tóraǵasy Qaırat Kelimbetov málim etti.
Qarjy sektoryn damytý sharalarynyń birneshe baǵyt aıasynda shoǵyrlandyrylatyn atap ótken ol: «Birinshiden, 2014-2019 jyldar kezeńine Bazel-3 standarty engiziledi. Ekinshiden, nesıe resýrstaryn bólý tıimdiligi arttyrylady. Atap aıtqanda, tutynýshylyq nesıe táýekelderi tómendetiledi. Sizdiń tapsyrmańyzǵa sáıkes, bul baǵytta Ulttyq bank tutynýshylyq kredıtterdi júzege asyrý barysynda kapıtaldy qalyptastyrý boıynsha joǵary talap engiziledi. Sáıkesinshe prýdentsıonaldy normatıvter engizý arqyly 30 paıyzdan astam kólemdegi qamtamasyz etilmegen tutynýshylyq zaımdarynyń ósý qarqyny shekteledi», - dedi ol.
Sonymen birge Q.Kelimbetov zaemshynyń jıyntyq qaryzdyq júktemesiniń shekti kólemi engiziletin bolady dep atap ótti. ıAǵnı, tulǵanyń zaım boıynsha aı saıynǵy tólemi onyń aılyq tabysynyń 50 paıyzynan aspaýy tıis. Al bul deńgeıden zaım asatyn bolsa, onda bank nesıe bermeýi qajet.
