Ekinshi azamattyǵy bar tulǵalardyń notarıýs retinde jumys jasaýyna tyıym salynbaq
ASTANA. QazAqparat - Reseıdiń Ádilet mınıstrligi ázirlegen notarıat týraly zańǵa engizilgen túzetýler jobasyna sáıkes ekinshi azamattyǵy bar reseılikterge notarıýs retinde jumys isteýge tyıym salynady.
Qoldanystaǵy zań notarıýstyń tek reseılik azamattyǵynyń bolýyn mindetteıdi. Bul ekinshi azamattyq týraly zań kúshine engennen keıin sheteldik tólqujattary bar tulǵalarǵa qatysty engizilgen alǵashqy shekteý.
Notarıýs mártebesin alǵysy keletinderge talapty qatańdatqan Reseı Ádilet mınıstrliginiń túzetýleri 5 qyrkúıekte normatıvtik-quqyqtyq aktiler jobalaryn jarııalaýǵa arnalǵan portalǵa shyqty. Qujat, atap aıtqanda, notarıýs mártebesin alýǵa tilek bildirýshilerge tyıymdar tizbesi mynalardy qamtıdy - qabiletsiz, narkologta esepte turǵan, sotty bolǵan jáne buryn ókilettiginen aıyrylǵan tulǵalardan basqa, ózge memlekettiń azamattyǵyna ıe tulǵalar notarıýs retinde qyzmet ete almaıdy. Sońǵy tyıym tek sheteldikterge ǵana emes, ózge memlekettiń azamattyǵy bar reseılikterge de qoldanylady. Bul túsinikti de, sebebi, zań boıynsha notarıýs memleket atynan áreket etedi ǵoı, dep jazady RBK.
