«Ekibastuzjylýenergo» JShS-nyń Ekibastuz JEO-synda tóbeniń plıtasy qulady

ASTANA. QazAqparat - 2023 jylǵy 15 maýsym kúni saǵat 16.45-te «Ekibastuzjylýenergo» JShS-nyń Ekibastuz JEO-synda jumys istep turǵan №5 qazandyqqa tóbeniń temirbeton plıtasy qulady, dep habarlaıdy QR energetıka mınıstrligiń baspasóz qyzmeti.

Temirbeton plıtanyń qulaýynan eshkim jaraqat alǵan joq. Plıtanyń qulaý aımaǵyndaǵy barlyq jóndeý jáne paıdalaný jumystary toqtatyldy.

Buǵan deıin, 2023 jylǵy 11 maýsymda jóndeletin №7 qazandyq aýmaǵynda búıir qorshaý konstrýktsııalarynyń 8 temirbeton plıtasy qulaǵan bolatyn.

Erteń, 16 maýsymda qazandyqtardyń ústindegi shatyr konstrýktsııalaryna zertteý júrgizý josparlanǵan, onyń nátıjeleri boıynsha jumystardy qaıta bastaý týraly sheshim qabyldanady.