Ekibastuzǵa áýeli jylý beriledi, sodan keıin ystyq jáne sýyq sý jiberiledi - energetık

EKІBASTUZ. QazAqparat - Sarapshy Ekibastuzdy jylýmen qamtamasyz etý jóninde pikir bildirdi, dep habarlaıdy QazAqparat Úkimettiń baspasóz qyzmetine silteme jasap.

«Mamandar qalalyq jylýmen jabdyqtaý júıesin qalpyna keltiretin durys algorıtmdi tańdady. Aldymen jylý beriledi, sodan keıin ystyq jáne sýyq sý jiberiledi, kárizdi qalpyna keltirý jumystary júrgizilýde. Qala turǵyny jáne tájirıbeli ınjener retinde men qala, oblys jáne basqa qalalardyń kásiporyndary júıelerdi jylytý jáne baptaý boıynsha tolyq aýqymdy jumys júrgizip jatqanyn atap ótemin», - deıdi Ekibastuz energetıgi Evgenıı Saıbatalov.

Eske salsaq, 27 qarashada Ekibastuz jylý-elektr ortalyǵynda apat bolyp, qala turǵyndary jylýsyz qalǵan bolatyn.

Memleket basshysynyń tapsyrmasy boıynsha Premer-Mınıstrdiń birinshi orynbasary Roman Sklıar qalalyq jylý jelilerindegi apattyń saldary joıylǵansha Ekibastuzda bolady.

Ekibastuzdaǵy jylý jelisiniń aqaýynan 4 úıge zaqym kelgen.

Pavlodar oblysy ákiminiń mindetin ýaqytsha atqarýshy Oleg Krýktyń aıtýynsha, Ekibastuzda ortalyqtandyrylǵan jylýǵa jalǵanbaǵan 11 turǵyn úı qaldy.