Ekibastuzdyń oqýshylary men stýdentteri búgin de qashyqtan oqıdy
Ekibastuz qalalyq bilim bóliminiń habarlaýynsha, 9 aqpanda mektepter men kolledjderde sabaq qashyqtan ótedi. Balabaqshalarda kezekshi toptar jumys isteıtin bolady.
Buǵan deıin ekibastuzdyq stýdentter men oqýshylar 8 aqpanda onlaın bilim alǵany habarlanǵan bolatyn.
7 aqpanda JEO-da jylý berý parametrleriniń tómendeýine baılanysty qala mektepteri men kolledjderinde aýa temperatýrasy sanıtarlyq normalarǵa sáıkes kelmedi.
Memleket basshysy Premer-Mınıstrdiń birinshi orynbasary Roman Sklıar men Pavlodar oblysynyń ákimi Asaın Baıhanovqa Ekibastuz qalasyndaǵy turǵyndardyń páterleri men áleýmettik nysandaryndaǵy temperatýralyq rejımdi turaqtandyrý boıynsha barlyq qajetti sharalardy qabyldaýdy tapsyrdy.
Memleket basshysynyń tapsyrmasyna sáıkes, Úkimet pen Pavlodar oblysynyń ákimdigi ekibastuzdyqtardyń páterlerinde jáne qaladaǵy áleýmettik nysandarda temperatýralyq rejımdi turaqtandyrý boıynsha keshendi sharalar qabyldaýda.