Ekibastuzdyń ekologııalyq jaǵdaıyn jaqsartý jospary baıandaldy
NUR-SULTAN. QazAqparat – Úkimet otyrysynda Ekibastuz qalasyn damytýdyń 2025 jylǵa deıingi keshendi josparyn tanystyrǵan QR Ulttyq ekonomıka mınıstri Áset Erǵalıev shahardyń ekologııalyq jaǵdaıyn jaqsartý úshin qandaı sharalar qolǵa alynatytyn baıandady, dep habarlaıdy QazAqparat tilshisi.
«Qalanyń ekologııalyq jaǵdaıyn jaqsartý maqsatynda Keshendi jospar jobasy atmosferalyq aýaǵa shyǵaryndylardy azaıtý jónindegi kásiporyndardy jańǵyrtý mindeti qoıylǵan. Sondaı-aq, qatty turmystyq qaldyqtardy bólek jınaýdy engizý, qoqys tastaıtyn jerlerdi joıý jáne taǵy basqa da is-sharalar kózdelgen», - dedi vedomsto basshysy.
Áset Erǵalıev 2025 jylǵa qaraı qala aýmaǵyndaǵy ónerkásip kólemin 22%-ǵa arttyrý josparlanǵanyn aıtty.
« Bul shaǵyn jáne orta bıznes shyǵaratyn ónimniń ósimin 38,2%-ǵa jetkizedi. Negizgi kapıtalǵa salynǵan ınvestıtsııalar kólemi 2025 jylǵa qaraı bes esege ósedi», - dedi Ulttyq ekonomıka mınıstri.
Eske salsaq, búgingi Úkimet otyrysynda Ekibastuzdy damytýdyń 2025 jylǵa deıingi keshendi jsopary maquldanǵan bolatyn.
