Ekibastuzdyń 60 jyldyq mereıtoıyna oraı 60 kıiz úı tigildi
ASTANA. QazAqparat - Kenshiler qalasynda mereıtoıǵa arnalǵan sharalar uıymdastyrylǵan ıppodrom aýmaǵynda etnoaýyl ashyldy, dep habarlaıdy pavlodarnews.kz.
Shahardyń kásiporyndary, qoǵamdyq uıymdar men memlekettik mekemelerdiń kúshimen 60 kıiz úı ornatyldy. Qalashyqqa kelgenderge arnaıy as - palaý men baýyrsaq berildi. Balalar úshin arnaıy alańdar uıymdastyryldy: batýt, altybaqan. Etnoaýyldyń ortasynda qoldanbaly qolóner kórmesinde kez kelgen adamǵa zergerlik buıymdar men aǵash, bylǵary, sazdan jasalǵan zattar satyp alý múmkindigi usynyldy.
«60 jyl sonshalyqty úlken ýaqyt emes, degenmen osy ýaqyttyń ishinde Ekibastuzdyń qyzyqty tarıhy qalyptasty, - deıdi jýyrda Ekibastuzben baýyrlas atanǵan Mınsk qalasy Partızan aýdany áleýmettik qorǵaý basqarmasynyń basshysy Svetlana Petrova.
«Bul óte ádemi qala. Qala turǵyndary men qonaqtaryna arnalǵan mereke tamasha».
Ekibastuzdyqtardy qala kúnimen quttyqtaýǵa Pavlodar oblysynyń ákimi Bolat Baqaýov ta keldi.
«Osydan alty jyl buryn Ekibastuzda 25 myń adam turatyn», - dedi óńir basshysy.
«Barlyǵy tórt mektep, bir mádenıet saraıy, balalar mýzykalyq mektebi, bir poshta bólimshesi boldy. Shahar qaryshtap, bolashaqqa qadam basty. Búginde Ekibastuz elimiz úshin otyn energetıkasynyń iri óndiristik ortalyǵy. Onyń baı muraǵa toly ótken tarıhy búgingi kúnmen tyǵyz baılanysty. Ekibastuz - zamanaýı ındýstrııaldy ortalyq qana emes, eńbekqor, shyǵarmashyl jáne talantty adamdar turatyn meken».
Bul kúni Ekibastuzdyń úsh turǵyny «Pavlodar oblysynyń Qurmetti azamaty» ataǵyna ıe boldy. Olar - eńbek ardagerleri Dúken Qyzǵarın men Qaırat Smaǵulov, «Bogatyr Kómir» JShS Bogatyr júk tıeý-kólik basqarmasynyń basshysy Aleksandr Grıgorev.
Budan basqa, óńir basshysy aýyl sharýashylyǵy salasynyń ardageri Ádı Alkebaevty «Oblys aldynda sińirgen eńbegi úshin» belgisimen marapttady. Bas sahna tórinde qonaqtarǵa qazaqstandyq «Dos-Muqasan» kvarteti óner kórsetip, «Toı jyry», «Vodovoz» jáne taǵy basqa belgili ánderin oryndady. Ippodromda báıge uıymdastyrylyp, úsh kólik utysqa qoıyldy.
