Ekibastuzdyq qutqarýshylar boranda 24 jolaýshyny ajaldan aman alyp qaldy
ASTANA. QazAqparat - Aýa raıynyń kúrt ózgerýine baılanysty Ekibastuzda qala ákiminiń basshylyǵymen shuǵyl shtab qurylǵan bolatyn, dep habarlaıdy pavlodarnews.kz.
TJ basqarmasy usynǵan aqparatqa súıensek, óńirdegi boranǵa baılanysty qutqarý jumystaryna júrip ótý múmkindigi joǵary eki tehnıka jáne Ekibastuz garnızonynyń jeke quramynan 11 adam, qalanyń kommýnaldyq qyzmetinen alty arnaıy tehnıka iske kirisken.
«Pavlodar oblysy tótenshe jaǵdaılar departamentiniń órt sóndirý jáne avarııalyq-qutqarý jumystary qyzmetiniń №14 mamandandyrylǵan órt sóndirý bóliminiń jumystarynyń nátıjesinde oblystyq mańyzy bar tas joldardan 15 kólik shyǵarylyp, 24 adam qutqaryldy. Sonymen qatar, oblystyq TJD Ekibastuzdaǵy jedel-qutqarý bólimshesimen respýblıkalyq mańyzy bar avtokólik joldarynan 68 adam, 39 avtokólik evakýatsııalandy», - deıdi basqarma mamandary.
