Ekibastuzdyq ǵalymdar jas otbasylarǵa arnap arzandatylǵan úılerdiń jobasyn usyndy
ASTANA. QazAqparat - Ekibastuz óńiriniń ǵalymdary jas otbasylarǵa arnap tórt páterli jeke menshik úıdiń jobasyn usyndy. Mundaı úıler naryqtaǵy jyljymaıtyn múlik baǵasynan 2-2,5 ese arzan, dep habarlaıdy pavlodarnews.kz.
Bul týraly «Pavlodar aımaqtyq ǵylymı-tehnologııalyq ortalyq» JShS-niń qyzmet kórsetý týraly esebi kezinde belgili boldy.
Q. Satpaev atyndaǵy Ekibastuz ınjener-tehnıkalyq ınstıtýtynyń halyqaralyq baılanys pen ǵylymı jumys prorektory Jarylqasyn Qambarovtyń aıtýynsha, tórt páterli úılerdiń sapasy eýropalyqtardyń taýn-haýstarynan kem bolmaıdy.
- Ár páterdiń aýmaǵy 82 sharshy metrdi quraıdy. Qurylys kezinde úı avtonomdy túrde qamtamasyz etiledi: sańylaý, kún batareıleri, jel dıirmeni men jylý tartatyn sorǵynyń ornatylý. Mundaı údiń baǵasyn 40 mıllıonǵa baǵalap otyrmyz. Biz biraq qarajat suramaımyz, atalmysh úılerdi halyqqa tıimdi ekenin kórsetý úshin ózimiz salýǵa daıynbyz, - dedi Jarylqasyn Qambarov.
Belgili bolǵandaı, ázirleýshiler Ekibastuzda úı salý úshin jer suraǵan, alaıda bul suraq áli óz sheshimin tappaǵan.
- Óte qyzyqty joba eken. Bul úılerdi Baıanaýylǵa da salýǵa bolady. Turǵyndar men týrıster ony joǵary baǵalaıtynyna senimdimin. Ol jaqta jer máselesin jýyq arada sheship beremin, - dedi oblys ákimi Bolat Baqaýov.
