Ekibastuzdyq 400 bala qysqy demalysyn Aqmola óńirinde ótkizedi

KÓKShETAÝ. QazAqparat - Ekibastuzdyq 400-den astam oqýshy qysqy demalysyn Aqmola oblysyndaǵy Aqkól, Býrabaı jáne Zerendi aýdanyndaǵy sporttyq saýyqtyrý keshenderinde ótkizedi, dep habarlaıdy QazAqparat tilshisi.

«Amanat» partııasynyń Aqmola oblystyq fılıaly baspasóz qyzmetiniń málimetinshe, ekibastuzdyq oqýshylar men olardyń jetekshileri Zerendidegi «Parýs», «Suńqar» demalys oryndaryna, sondaı-aq, Býrabaıdaǵy «Zvezdnyı» lagerine ornalastyryldy.

«Mundaı shara «Amanat» partııasynyń bastamasymen Ekibastuz qalasyndaǵy tótenshe jaǵdaıdan zardap shekken otbasylardyń balalaryn saýyqtyrý oryndarynda demalýǵa jiberý maqsatynda uıymdastyrylyp otyr. Jalpy respýblıka boıynsha 1000-nan astam mektep oqýshysyna shıpajaılar men sporttyq-saýyqtyrý keshenderine barýyna jaǵdaı jasalady», - dedi «Amanat» partııasy Aqmola oblystyq fılıalynyń baspasóz hatshysy Dınara Dúısenova.

Uıymdastyrýshylardyń aıtýynsha, balalardyń qyzyqty demalysyn ótkizý úshin barlyq jaǵdaı qarastyrylǵan. ıAǵnı, 10 qańtarǵa deıin shańǵy, konkımen syrǵanaý, orman saıahattary sııaqty túrli baǵyttaǵy is-sharalar josparlanǵan.

Jalpy, «Amanat» partııasynyń bastamasymen júzege asyp jatqan ıgilikti iste ekibastuzdyq balalar Aqmola oblysynyń Býrabaı, Zerendi demalys oryndarymen qosa, Almaty, Abaı oblystary men Túrkistan qalasynda demalý qarastyrylǵan.